Si të bëjmë Qofte Pule pa Gluten

Falë kësaj recetë me përbërës të thjeshtë që ju ndodhen në shtëpi ju mund të pregatisni qofte me mish pule dhe pa Gluten.

Përbërësit:

500 gr mish pule i grirë
1 vezë e madhe, e rrahur
2 lugë të mëdha salcë domatesh pure
2 lugë të mëdha vaj ulliri
¼ tufë majdanoz, i grirë hollë
2 thelpinj hudhër, të grira hollë
1 qepë e madhe, e grirë hollë
1 lugë e vogël kripë
½ lugë e vogël piper
100 gr djathë kackavall i thërmuar
100 gr tërshërë
2 filxhanë salcë domatesh

Pregatitja:

Ngrohim furrën në 200°C.

Në një tas të madh, përziejmë pulën e grirë, vezën, domatet pure, vaj ulliri, majdanoz, hudhër, qepë, kripë, piper dhe djathin kackavall.

Në një grirëse ushqimi, vendosim tërshërën deri sa të jetë thërmuar mirë. E shtojmë në tas.

Me duar të pastra, përziejmë pulën me përbërësit e tjerë deri sa të krijohet një masë e mirë.

Nga masa e krijuar formojmë topa të vegjël (një lugë akullore ndihmon në formimin e masës) dhe rrotullojeni me duar deri sa të marrë një formë sferike.

Vendosini qoftet në një tavë pjekjeje dhe piqini në furrë deri sa të marrin ngjyrë kafe për rreth 20-25 minuta.

Mbi qofte hidhni salcën e domateve dhe servirini të ngrohta.

Burimi: Mia Organic