5 mënyra për të dalluar një parfum origjinal

Çfarë ka në shishet e parfumeve, a janë kopjet e parfumit të mrekullueshme dhe si dallohen nga origjinalet?

Për prodhimin e kopjeve mund të përdoren përbërës të dëmshëm, alkool me cilësi të ulët, kimikate të paqëndrueshme, ujë me cilësi të dobët, alumin, arsenik, antifriz.

Si pasojë e përdorimit të këtyre, mund të shfaqen probleme të ndryshme të lëkurës, të tilla si aknet, skuqjet, infeksionet e syve, alergjitë.

Nëse shikojmë me kujdes paketimin e parfumeve, në shumë prej tyre mund të dalloni nëse është një kopje.

Paketimi

Shumica e origjinaleve kanë celofan dhe një kuti që ambalazhon parfumin. Celofani duhet të jetë i puthitur plotësisht rreth kutisë. Emri i saktë i parfumit, emri i kompanisë dhe lista e përbërësve duhet të shkruhen në kuti, dhe një bar kod duhet të gjendet gjithashtu në fund të kutisë.

Shishja

Nëse shishja ka të meta të dukshme, çarje dhe gërvishtje, mund të jetë parfum i rremë. Ai gjithashtu duhet të ketë të njëjtin informacion si në paketim, emrin e markës, emrin e aromës dhe numrat serialë.

Kapaku

Kontrolloni pamjen e kapakut të shishes, a ka logo, dekorime dhe si janë bërë ato? Te parfumet e rremë, kapakëve nuk iu kushtohet shumë vëmendje.

Lëngu i parfumit

Lëngu i parfumit origjinal duhet të jetë kristal i qartë

Tubi i sprajit

Me një parfum të ri, tubi nëpër të cilin duhet të kalojë parfumi është bosh. Një parfum i ri duhet të jetë i papërdorur. Është e nevojshme të shtypni sprajin dy herë, në mënyrë që të mbushni tubin dhe të dalë parfumi.

Burimi: Telegrafi